پپیتا ایک خوش ذائقہ پھل ہے، یہ نہ صرف ذیابیطس اور کولیسٹرول کو کنٹرول کرتا ہے بلکہ نظام ہضما کو بھی بہتر رکھتا ہے۔

لیکن کیا آپ جانتے ہیں کہ پپیتے کے بیج کتنے قیمتی ہیں؟ اگر نہیں تو آئیے ہم آپکو بتاتے ہیں۔

پپیتے کے بیج میگنیشیم، پوٹاشیم اور فائبر جیسے ضروری غذائی اجزا کا اچھا ذریعہ ہیں جن سے صحت اچھی رہتی ہے۔

پپیتے کے بیج طاقتور اینٹی بیکٹیریل خواص رکھتے ہیں۔

کچھ مطالعات سے پتہ چلتا ہے کہ پپیتے کے بیجوں میں کینسر مخالف خصوصیات ہوتی ہیں جن سے ٹیومر کی نشوونما کو روکنے میں مدد ملتی ہے۔ بیج کولیسٹرول کم کرتے ہیں جس سے دل کی صحت بھی بہتر ہوتی ہے۔

یہ بیج اینٹی آکسیڈنٹس سے بھرپور ہوتے ہیں اس لئے جگر کی صفائی کرتے ہیں اور دیگر جسمانی اعضا کے بہترین افعال کو فروغ دینے اور آکسیڈیٹیو تناؤ کو کم کرنے میں اہم کردار ادا کرتے ہیں۔

ان میں ایسے انزائمز ہوتے ہیں جو ہاضمے کو بہتر بناتے ہیں اور قبض کوفوری دور کرتے ہیں جبکہ ان بیجوں میں سوزش کے خلاف مرکبات ہوتے ہیں جو سوزش کو کم کرتے ہیں۔

یہ بیج جلد کو فائدہ پہنچاتے، رنگت کو صاف کرتے اور عمر بڑھنے کے آثار کو کم کرتے ہیں۔

پپیتے کے بیجوں آنتوں کی صفائی کے لیے بہترین ہیں، ان کو کھانے سے ان لوگوں کو فائدہ ہوتا ہے جو پیٹ میں کیڑوں کی شکایت کرتے ہیں، پپیتے کے بیج آنتوں سے تمام جرثوموں کا اخراج کرتے ہیں۔

پپیتے کے بیجوں کو کئی طریقوں سے استعمال میں لایا جا سکتا ہے جیسا کہ انہیں اچھی طرح دھو کر سکھا کر کچل کر سلاد یا فروٹ چاٹ کی ڈریسنگ میں شامل کیا جاسکتا ہے۔

اس کے علاوہ اس کو ملک شیک یا اسموتھی میں ڈال کر پیا جاسکتا ہے۔ شہد میں ملا کر ڈبل روٹی پر لگا کر بچوں کو دیا جاسکتا ہے۔

پپیتے کے بیجوں کو خشک کر کے پیس کر پاؤڈر بنا کر محفوظ کر لیں۔ نہار منہ ایک چمچ پاؤڈر کھا کر پانی لیں اس کے علاوہ ان بیجوں کو دلیا میں ڈال کر کھا سکتے ہیں یا پھر ان کو قہوے کی صورت میں بھی پیا جا سکتا ہے۔