اکثر ایسا ہوتا ہے کہ گھر میں موجود عام سی شے آپ کے کئی مسائل حل کرنے کی صلاحیت رکھتی تاہم آپ ان کی افادیت سے فاقف نہیں ہوتے ایسی ہی چیزوں موزے بھی شامل ہے،

ڈاکٹر اسکاٹ والٹر جو کہ ایک ماہر ڈرماٹولوجسٹ ہیں کا کہنا ہے کہ تمام ہی لوگوں خصوصاً بزرگ افراد کو کمپریشن موزے ضرور پہننے چاہئے، یہ بات انہوں نے اپنی ایک ٹک ٹاک ویڈیو میں کہی ہے۔

ڈاکٹر اسکاٹ کا کہنا ہے کہ یہ موزے نہ صرف پیروں کی سوجن کو کم کرتے ہیں بلکہ خون کی روانی کو بھی بہتر بناتے ہیں۔

واضح رہے کہ ڈاکٹر اسکاٹ کے ٹک ٹاک پر 10 لاکھ سے زیادہ فالورز ہیں اور وہ اکثر صحت کے حوالے سے ویڈیوز شیئر کرتے رہتے ہیں۔

کمپریشن موزے عام موزوں کی نسبت قدرے لمبے یعنی گھٹنوں تک اور ٹائٹ ہوتے ہیں  یہ ٹانگوں کی جلد کو ٹائٹ رکھتے ہیں تاکہ خون کو  دل کی طرف واپس جانے میں مدد ملے، ساتھ ہی یہ ٹانگوں کو سوجن سے بھی محفوظ رکھتے ہیں اس طرح یہ صحت کے مختلف مسائل جیسے خون جمنے اور رگوں سے جڑے بہت سے امراض سے تحفظ فراہم کرتے ہیں۔

اگر آپ کسی ایسے شعبے سے وابستہ ہیں جس میں آپ سارا دن دفتر میں بیٹھ کر یا کھڑے ہو کر کام کرتے ہیں تو  یہ موزے آپ کو کئی اس طرح کی ملازمت کے دوران جنم لینے والے پیروں کے امراض سے بچانے میں مدد فراہم کرتے ہیں۔

اگر آپ کی ٹانگ پر کسی قسم کا زخم ہے جو مندمل ہو رہا ہے، تو کمپریشن موزے شفا یابی کی رفتار کو بڑھا سکتے ہیں۔

یہ بات درست ہے کہ عمر بڑھنے کے ساتھ شفا یابی کا عمل عام طور پر سست ہوجاتا ہے  جبکہ یہ موزے  گردش کو بہتر بناکر زخم کو بھرنے میں لگنے والے وقت کو کم کر سکتے ہیں۔

خون کی گردش کو بہتر بنانے، سوجن کو کم کرنے اورزخموں کو تیزی سے ٹھیک  کرنے کے علاوہ، یہ موزے ورزش کے دوران اور  کھیل کے میدان میں  کارکردگی کو بہتر بنا سکتے ہیں۔ لہذا اس معمولی سی شے کا استعمال آپ کو صحت مند رکھ سکتا ہے۔