یہ حیران کن خبر طب کی دنیا سے آئی جہاں ماہرین صحت نے فربہ افراد کے لیے دن بھر 14,500 سے زیادہ قدم چلنے کو لازمی قرار دیا ہے۔ تاہم ایک نئی تحقیق کے مطابق ایسے تمام افراد جن میں وزن بڑھنے کا جنیاتی طور پر رجحان موجود ہیں انہیں ایک دن میں 14,500 سے زائد قدم چلنا ضروری ہے۔

امریکہ میں ہر 5 میں سے 2 افراد موٹاپے کے مرض میں مبتلا ہیں، اور وقت کے ساتھ یہ شرح بڑھتی جارہی ہے، ماضی میں کی جانے والی متعدد تحقیق میں موٹاپے کو ایک پیچیدہ بیماری کہا گیا ہے جبکہ کچھ لوگوں میں موٹاپے کی اصل وجہ جین ہے جو انہیں اپنے والدین سے ملا ہے۔حال ہی میں کی جانے والی ایک نئی تحقیق کے مطابق ایسے تمام افراد جن میں جنیاتی طور پر موٹاپے کا خطرہ ہے انہیں اس مرض سے بچنے کے لیے کم خطرے والے افراد کی نسبت زیادہ ورزش کی ضرورت پڑ سکتی ہے۔

جاما نیٹ ورک اوپن میں شائع ہونے والی اس تحقیق میں نیشنل انسٹی ٹیوٹ آف ہیلتھ کے ریسرچ پروگرام میں حصہ لینے والے 3,124 افراد کی جسمانی سرگرمیوں، کلینیکل اور جینیاتی ڈیٹا کا تجزیہ کیا۔

محققین نے خاص طور پر جنیاتی طور پر موٹاپے کے خطرے میں مبتلا افراد میں اس خطرے کو کم کرنے کے لیے کتنی جسمانی سرگرمی کرنے کی ضرورت ہے تحقیق کی۔

تحقیق کے نتائج چونکا دینے والے تھے ایسے تمام افراد جنہوں نے روزانہ 8,236 قدم چلے ، 5.4 سالوں کے دوران، موٹاپے کی شرح سب سے کم اور سب سے زیادہ خطرے والے گروپوں میں بالترتیب 13 فیصد سے بڑھ کر 43 فیصد ہوگئی۔

 محققین نے نتائج کو سامنے رکھتے ہوئے اس بات کا تعین کیا کہ موٹاپے کے جینیاتی خطرہ والے افراد کو اس بیماری کے خطرے کو کم کرنے کے لیے اپنے قدموں کی تعداد میں اضافہ کرنے کی ضرورت ہے۔

جبکہ قدموں کی یہ تعداد BMI (باڈی ماس انڈیکس) کے لحاظ سے مختلف ہوسکتی ہے۔محققین نے طے کیا کہ جن لوگوں کا BMI 75 تھا انہیں روزانہ اوسطاً 2,280 قدم زیادہ چلنے کی ضرورت ہے،  اس طرح قدموں کی یہ تعداد 11,020 قدم فی دن  بنتی ہے۔

اسی طرح 22، 24، 26 اور 28 BMI والے افراد کو بالترتیب 3,460، 4,430، 5,380 اور 6,350 اضافی قدم روزانہ چلنے کی ضرورت ہے، تاکہ موٹاپے کے بڑھنے کے خطرے کی سطح کو کم کیا جاسکے۔ ایسے تمام افراد جن کا بی ایم آئی بہت زیادہ ہے انہیں  روزانہ 14,500 سے قدم چلنے کی ضرورت ہے ۔