آج ہم آپکو شدید گرمی سے بچنے کے چند آسان طریقے بتائیں گے۔

زیادہ سے زیادہ پانی اور مشروبات کا استعمال کریں

گرمی میں پانی کا زیادہ سے زیادہ استعمال یقینی بنا کر اپنے جسم کو ہائیڈریٹ رکھیں۔

دن بھر باقاعدگی سے پانی پئیں اور مشروبات جیسے لیموں کا پانی یا پودینے کا پانی استعمال کریں۔

ہائیڈریٹڈ ، ترو تازہ اور توانا رہنے کے لیے فروٹ جوس جیسے تربوز یا اورنج جوس کا استعمال کریں۔

ہلکی پھلکی اور صحت بخش غذائیں کھائیں

اپنے جسم کو توانائی فراہم کرنے کے لیے ہلکی پھلکی اور صحت مند غذائیں کھائیں۔

ہائیڈریٹنگ فوڈز جیسے سلاد ، تازہ پھل اور سبزیوں کا انتخاب کریں۔

گرمی میں اپنا جسمانی وزن برقرار رکھتے ہوئے اپنے ہاضمے کو بہتر بنائیں۔ اپنی خوراک کا خیال رکھیں اور زیادہ کھانا کھانے سے گریز کریں۔

اپنی جِلد کو دھوپ سے بچائیں

سن اسکرین باقاعدگی سے استعمال کرتے ہوئے اپنی بیرونی سرگرمیوں سے لطف اندوز ہوں۔

ماہرین وٹامن سی کریم اور سن اسکرین کو اسکن کئیر کٹ میں شامل کرنے کی تجویز دیتے ہیں۔

ہلکے رنگ اور ڈھیلے لباس کا انتخاب کریں

گرم موسم میں آرام دہ رہنے کے لیے ڈھیلے اور رنگوں میں ہلکے اور سادہ لباس کا انتخاب کریں۔

روزانہ شاور لیں اور اپنا چہرہ بار بار دھوئیں

گرمی میں باقاعدگی سے چہرہ دھونا اور نہانا بے حد ضروری ہے۔

گرمی کی شدت کو کم کرنے کے لیے حفظان صحت کے حصول کو برقرار رکھتے ہوئے روزانہ شاور لیں۔

چہرے کو کثرت سے دھوتے رہنے سے پسینے سے بچا جا سکتا ہے۔

صبح 11 سے 3 بجے کے درمیان گھروں سے باہر نہ نکلیں

11 بجے سے 3 بجے کے درمیان سورج عروج پر ہوتا ہے اور اس کی شعائیں تیز تر ہوجاتی ہیں اس لیے گرمی کی اس شدت کے دوران گھروں سے باہر نکلنے سے گریز کریں۔