پاکستان سمیت دنیا بھر میں آج نو ٹوبیکو ڈے منایا جا رہا ہے۔

رپورٹ کے مطابق تمباکو نوشی سے پاکستان میں سالانہ ڈھائی لاکھ اموات ہوتی ہیں جبکہ نوجوانوں میں دل کے دورے کی ایک بڑی وجہ کثرت سے تمباکو نوشی ہی ہے۔

تمباکو سے بچاؤ کے عالمی دن پر ماہرین صحت نے کہا کہ حکومت کو چاہیے کہ تمباکو سے جڑی صنعت پر ٹیکسز بڑھا کر اس کے استعمال میں کمی لائے۔

اس دن کے منانے کا مقصد لوگوں کو تمباکو نوشی کے مضر اثرات سے آگاہی فراہم کرتے ہوئے سگریٹ پینے والوں کی تعداد میں روز بروز ہونے والے اضافے کو کم کرنا ہے۔

اس دن تمباکو نوشی کے مضر اثرات سے آگاہی فراہم کرنے کے لیے خصوصی پروگرامز، سیمینار اور واکس کا اہتمام کیا جاتا ہے۔