کیا آپکو معلوم ہے کہ زیکا وائرس کیا ہے؟ اور یہ کیسے پھیلتا ہے؟ اگر نہیں تو ضرور جان لیں۔

محققین کے مطابق 2021 اور 22 میں کراچی میں زیکا وائرس کے 2،2 کیس سامنے آئے، زیکا وائرس کی موجودگی کی تصدیق یونیورسٹی آف واشنگٹن کی لیبارٹری سے بھی ہوئی، یہ وائرس ڈینگی اور چکن گنیا پھیلانے والے مچھروں میں پایا جاتا ہے۔

محققین نے بتایا کہ 2021 میں ڈینگی جیسی علامات والی بیماری سے کراچی میں سیکڑوں لوگ متاثر ہوئے اور کراچی میں اس وقت بھی ڈینگی اور چکن گنیا اور ان سے ملتی جلتی وبا پھیلی ہوئی ہے۔

ان کا کہنا تھا کہ کراچی میں اس سال ڈینگی سے کم ازکم 10 افراد کا انتقال ہوچکا ہے۔

دوسری جانب قومی ادارہ صحت نے لاتعلقی کا اظہار کرتے ہوئے کہا کہ پاکستان میں کسی ادارے نے زیکا وائرس کی موجودگی سے آگاہ نہیں کیا۔