ایرانی سفیر مہدی ہنر دوست کی آرمی چیف جنرل قمر جاوید باجوہ سے الوداعی ملاقات ہوئی۔

پاک فوج کے شعبہ تعلقات عامہ (آئی ایس پی آر ) کے مطابق سبکدوش ہونے والے ایرانی سفیر مہدی ہنر  دوست نے جنرل ہیڈ کوارٹر(جی ایچ کیو )راولپنڈی میں الوداعی ملاقات کی۔

ملاقات میں آرمی چیف نے مہدی ہنر دوست کی پاکستان میں خدمات کا شکریہ ادا کیا۔

آرمی چیف نے سبکدوش ہونے والے ایرانی سفیر کی پاک ایران تعلقات بہتر بنانے کی کوششوں کو  بھی سراہا۔

اس موقع پر ایرانی سفیر نے خطے میں امن و استحکام کے لیےآرمی چیف اور پاک فوج کی کے کردار کی تعریف کرتے ہوئے کہا کہ آرمی چیف اور پاک فوج نے پاک ایران سرحد پر امن یقینی بنانے کے لیےاہم کردار ادا کیا ہے۔

واضح رہے کہ مہدی ہنر دوست نے2016 میں علی رضا حقیقان کے سبکدوش ہونے کے بعد بطور ایرانی سفیر  برائے پاکستان کے عہدہ سنبھالا تھا ۔

مہدی ہنر دوست پاکستان میں ایران کے اکتیسویں سفیر ہیں۔

یاد رہے کہ گزشتہ روز آرمی چیف جنرل قمر جاوید باجوہ سے چین کی پیپلز لبریشن آرمی کے نائب کمانڈر نےملاقات کی تھی۔

ملاقات میں باہمی دلچسپی اور دونوں افواج کے تعاون سے متعلق امور پر بات چیت ہوئی جبکہ آرمی ٹو آرمی اسٹاف مذاکرات پر بھی بات چیت ہوئی تھی۔