پاکستانی فلم انڈسٹری کی مشہور و معروف اداکارہ مہوش حیات کہنا ہے کہ اُن کے خیال میں 2020 کے الیکشن میں مشل اوباما امریکا کی بہترین صدر ثابت ہوں گی۔

حال ہی میں اداکارہ مہوش حیات نے سماجی رابطے کی ویب سائٹ ٹوئٹر پر مشل اوباما کی ایک ویڈیو شیئر کی تھی اور کیمشن مین لکھا تھا کہ ’میں مشیل اومابا اور اُن کے کام سے بہت مُتاثر ہوتی ہوں جو کام وہ اوباما فاؤنڈیشن کے ساتھ مل کر کر رہی ہیں، یہ واقعی قابلِ تعریف ہے۔

 اداکارہ نے مشیل اوباما کے حوالے سے کہا کہ کے میں بہت حیران ہوں کہ مشل اوباما ابھی تک امریکا کے اگلے انتخابات میں حصہ لینے کا سوچ رہی ہیں، مجھے لگتا ہے کہ مشیل اوباما امریکا کے لیے بہترین صدر ثابت ہوں گی۔

اداکارہ ماہرہ خان زیادہ پُرکشش کیوں، مہوش حیات

تمغہ امتیاز حاصل کرنے والی اداکارہ مہوش حیات نے ٹوئٹ کے ذریعے امریکا کے مکینوں سے سوال کیا کہ ’امریکا والوں آپ اِس بارے میں کیا سوچتے ہو؟‘

ایشیا کی خوبصورت خاتون کی فہرست میں جگہ بنانے والی اداکارہ مہوش حیات نے اپنے ٹوئٹ میں دو ہیش ٹیگ بھی استعما ل کیےجو یہ ہیں۔ Michelleforpresident  اور  2020Election۔

واضح رہے کہ مشیل اوباما امریکا کے سابق صدر بارک اوباما کی اہلیہ ہیں اور وہ بھی اپنے شوہر کی طرح فلاح و بہود کے کاموں میں بڑھ چڑھ کر حصہ لیتی ہیں جس کی وجہ سے لوگ اُن کو بہت پسند کرتے ہیں۔

گزشتہ ماہ قبل اداکرہ مہوش حیات بھی لڑکیوں کی سفیر مققرر ہوئی تھی۔

منسٹری اف ہیومن رائیٹس حکومت پاکستان نے مہوش حیات کو لڑکیوں کی تعلیم کے حقوق کے لیے سفیر مقرر کر دیا تھا۔

یاد رہے اس خبر کے بعد مہوش نے کہا تھا کہ ’’ مجھے یہ بتاتے ہوئے بہت خوشی محسوس ہو رہی ہے کہ وزارت انسانی حقوق حکومت پاکستان نے مجھے پاکستانی لڑکیوں کے حقوق کے لئے سفیر برائے خیر سگالی مقرر کیا ہے، یہ میرے لئے فخر کی بات ہے کہ میں لڑکیوں کو اُن کے حقوق دلوانے میں ایک اہم کردار ادا کرسکوں گی کیوں کہ میں ایک ایسا پاکستان دیکھنا چاہتی ہوں جہاں لڑکیوں کو تعلیم حاصل کرنے کے مواقع دیئے جائیں، مہوش حیات کی جانب سے پاکستانی عوام سے تعاون کی اپیل کی گئی ہے اور کہا گیا ہے کہ وہ چاہتی ہیں کہ وہ لڑکیوں کی فلاح و بہبود کے لیے کچھ نہ کچھ کر سکیں۔