واٹس ایپ استعمال کرنے والوں کی تعداد 2 ارب سے زیادہ ہوچکی ہے اور روزانہ اس پر اربوں میسجز، ویڈیوز، تصاویر، جی آئی ایف امیجز اور کالز کا تبادلہ ہوتا ہے۔ واٹس ایپ میں ایک ایسا فیچر بھی ہے جسے عام طور پر لوگ استعمال نہیں کرتے۔ واٹس ایپ میں انیمیٹڈ یا جی آئی ایف تصاویر کا تبادلہ کیا جاسکتا ہے۔ اکثر لوگ انیمیٹڈ یا جی آئی ایف تصاویر کے لئیے تھرڈ پارٹی ایپس استعمال کرتے ہیں۔
کیا آپ کو معلوم ہے کہ واٹس ایپ میں بھی ایک ایسا فیچر موجود ہے جس کی مدد سے آپ خود جی آئی ایف تصویر تیار کرکے بھیج سکتے ہیں؟ یہ فیچر گزشتہ سال متعارف ہوا تھا مگر اب بھی کروڑوں افراد اس سے واقف نہیں۔

اس فیچر کو استعمال کرنے کے لئیے چیٹ ونڈو کو اوپن کریں جس پر انیمیٹڈ تصویر بھیجنا چاہتے ہیں اور وہاں چیٹ باکس میں موجود اٹیچمنٹ آئیکون پر کلک کریں اور وہاں سے گیلری کے آپشن میں چلے جائیں

فون گیلری سے ویڈیو کا انتخاب کریں جس کو آپ جی آئی ایف تصویر کے لیے استعمال کرنا چاہتے ہوں۔

سلیکٹ کرنے پر واٹس ایپ میں آپ کے سامنے ویڈیو کا پریویو نظر آنے لگے گا، اگر اس کا دورانیہ 6 سیکنڈ سے زیادہ ہو تو اضافی حصے کو ٹرم یا کاٹ کر اپنی پسند کے 6 سیکنڈ کے حصے کو چھوڑ دیں۔

ایسا کرنے پر آپ کے سامنے ویڈیو کیمرا اور جی آئی ایف کے آپشن سامنے آئیں گے، اس میں سے جی آئی ایف پر کلک کردیں، ایسا کرنے پر واٹس ایپ خودکار طور پر اس ویڈیو کو انیمیٹڈ تصویر میں بدل دے گی۔