بھارتی رہنما ششی تھرو نے قائد اعظم کی نظریے کی حمایت کا اعلان کردیا ہے۔

تفصیلات کے مطابق  بھارتی اپوزیشن جماعت کانگریس کے رہنما ششی تھرور نے بھارت میں شہریت کے کالے قانون پر محمد علی جناح کی حمایت کر دی ہے۔

یاد رہے کہ کانگریس کے رہنما ششی تھرور نے کہا ہے کہ محمد علی جناح جہاں بھی ہوں گے، دیکھ کر خوش ہوتے ہوں گے کہ دیکھو میں ٹھیک تھا۔ مسلمان ایک الگ ملک کے حقدار تھے کیونکہ ہندو، مسلمانوں سے انصاف نہیں کرسکتے۔

رہنما ششی تھرور نے بھارتی قانون پر مودی پر تنقید کرتے ہوئے کہا کہ میں یہ نہیں کہوں گا کہ محمد علی جناح مکمل طور پر جیت گئے لیکن آج بھارت میں جناح کا نظریہ جیت رہا ہے۔

بھارتی طالبہ نے شہریت قانون کے خلاف گولڈ میڈل لینے سے انکار کر دیا

کانگریس کے رہنما ششی نے کہا کہ اگر سی اے اے کے بعد این پی آر اور این آر سی کو اسی روش پر نافذ کرنے کی کوشش کی گئی تو  پاکستانیوں کے قائد محمد علی جناح کی جیت مکمل ہوجائے گی۔

انہوں نے کہا کہ اگر ہم اس ملک میں لوگوں کو اس بات کا اختیار دے دیں کہ وہ “مشکوک شہریت” کی بنیاد پر لوگوں کو شناخت کرتے پھریں تو آپ کو یقین ہوجانا چاہئے کہ کون سے بھارتی شہری اس تعصب کا نشانہ بنیں گے۔

کانگریسی رہنما نے کہا کہ اگر ایسا ہوگیا تو جناح کی جیت مکمل ہوجائے گی ۔

واضح رہے اختتام میں کانگریس کے رہنما ششی نے کہا کہ محمد علی جناح  آج دیکھ کر خوش ہوتے ہوں گے کہ دیکھو میں ٹھیک تھا، ہم دو الگ قومیں ہیں اور مسلمان ایک الگ ملک کے حقدار تھے کیونکہ ہندو مسلمانوں سے انصاف نہیں کرسکتے۔