مسلمانوں کے خلاف زہر اگلنے کا انجام۔ گوتم گھمبیرکو بھارتیوں نے اوقات یاد دلادی۔

میڈیا رپورٹس کے مطابق بھارت میں ہونے والے دہلی کے انتخابات میں گوتم گھمبیر کو بد ترین شکست کا سامنہ کرنا پڑا۔ شکست کے بعد میڈیا سے گفتگو کرتے ہوئے گوتم گھمبیر نے کہا کہ بھارتی جنتا پارٹی نے اپنی بھرپور کوشش کی مگر دہلی کے لوگوں کو متاثر نہ کر سکی۔ مسلمانوں کے خلاف زہر اگلنے والے گوتم گھمبیر اپنی شکست پر نفرت کی زبان بھول گئے اور ریاستی انتخابات میں شکست کو تسلیم کرتے ہوئے عام آدمی پارٹی کے سربراہ اروندرکیجریوال کو فتح پر مبارک باد دی۔

دہلی کی اسمبلی کےانتخابات میں غیرسرکاری نتائج کےمطابق حکمراں جماعت ‏عام آدمی پارٹی دوسری جماعتوں سےبہت آگےچل رہی ہے۔

بھارتی میڈیا کے مطابق نئی دہلی کی اسمبلی کے انتخابات کے ابتدائی نتائج کے مطابق عام آدمی پارٹی کو50 سے زیادہ سیٹوں پرسبقت حاصل ہے۔

دہلی میں حکومت سازی کے لیے سادہ اکثریت حاصل کرنے کے لیے 36 سیٹیں درکارہیں۔ اگر عام آدمی پارٹی سادہ اکثریت حاصل کرنے میں کامیاب ہوگئی تو وہ لگاتارتیسری باردِلی میں حکومت بنائے گی۔

ووٹنگ کے بعد تمام ایگزٹ پولز میں وزیر اعلیٰ اروند کیجریوال کی عام آدمی پارٹی کو دوبارہ اقتدار میں آنے کی پیش گوئی کی گئی تھی لیکن بی جے پی کے بہت سے رہنماؤں نےدعوی کیا تھا کہ ایگزٹ پول کے نتائج غلط ثابت ہوں گے اور حکومت بی جے پی کی بنے گی۔