عالمی منڈی میں سونے کی قیمت سات سال کی بلند ترین سطح پرپہنچ چکی ہے جبکہ تجزیہ کاروں نے پیش گوئی کی ہے کہ مارچ میں سونے کی قیمتیں 1700 ڈالر فی اونس تک جاسکتی ہے۔

تفصیلات کے مطابق کرونا وائرس کے اثرات جہاں دنیا بھر کی معیشت متاثر کررہے ہیں وہیں سونا بھی مہنگا ہوگیا، عالمی منڈی میں سونے کی قیمت سات سال کی بلند ترین سطح پرپہنچ گئی ہے۔

سونا پاکستان کی تاریخ کی بلند ترین سطح پر پہنچ گیا ہے، سونے کی فی تولہ قیمت 920 روپے اضافے کے بعد 93500 روپے اور 10گرام سونےکی قیمت780 روپے اضافے کے بعد 80161 روپے ہوگئی جبکہ چاندی کی فی تولہ قیمت میں10روپے اضافہ کے بعد 1050روپے تک جا پہنچی