ٹینس اسٹار ماریا شراپوا نے 32 سال کی عمر میں ٹینس سے ریٹائرمنٹ کا اعلان کردیا۔

روس سے تعلق رکھنے والی ٹینس اسٹار ماریا شراپوا نے پانچ بار گرینڈ سلیم کا اعزاز اپنے نام کیا۔ انہیں اکیسویں صدی کے معروف اور امیر ترین کھلاڑیوں میں شمار کیا جاتا ہے۔ انہوں نے 2004میں صرف 17 برس کی عمر میں ٹینس کی لیجنڈ کھلاڑی سرینا ولیمز کو ومبلیڈن میں شکست دی جس کے بعد وہ اس کھیل کے شائقین کے ساتھ ساتھ دنیا کی نگاہوں کا مرکز بن گئیں۔

ماریا شراپوا کو انجریز کی وجہ سے اپنے کرئیر میں مشکلات کا سامنا رہا اس کے باوجود وہ 11برس تک ٹینس میں سب سے زیادہ معاوضہ حاصل کرنے والی خاتون کھلاڑی رہیں۔ 2016 میں ایک ممنوعہ دوا استعمال کرنے پر انھیں پابندی کا سامنا کرنا پڑا جس سے قبل 2015تک وہ 3کروڑ ڈالر کی خطیر رقم کما چکی تھیں۔