اسلام آباد میں جاری عورت مارچ سے ایسے ایک شخص کو گرفتار کیا گیا جو برقعہ پہن کر فاٹا کی خواتین کی نمائندگی کر رہا تھا۔

تفصیلات کے مطابق عورت مارچ میں گرفتا کے جانے والے شخص کا نام عثمان ہے جس کہنا ہے کہ فاٹا کی خواتین یہاں نہیں آ سکتیں اس لئے میں ان کی نمائندگی کر رہا تھا۔

عورت مارچ کے شرکاء پر مذہبی جماعت کے کارکنان نے پتھراؤ کیا ہے جس سے متعدد افراد زخمی ہوئے ہیں بعدازاں پولیس کی اضافی نفری طلب کرنے پر پتھراؤ رک گیا۔

اسلام آباد میں عورت مارچ کے شرکاءپر پتھراﺅ

یاد رہے کہ دنیا بھر کی طرح پاکستان میں بھی خواتین کا عالمی دن منایا جا رہا ہے۔

خواتین کے عالمی دن کے موقع پرملک بھر کے مختلف شہروں میں خواتین اپنے حقوق کے لیے عورت مارچ کر رہی ہیں۔

دوسری جانب وزیر اعظم عمران خان نے خواتین کے عالمی دن پر پیغام دیتے ہوئے کہا کہ خواتین کا عالمی دن مساوی حقوق اور مواقع فراہم کرنے کے عزم کے اعادہ کا دن ہے۔

واضح رہے عمران خان نے کہا کہ ہمارا مذہب خواتین کو مساوی حقوق فراہم کرنے کا درس دیتا ہے اور ہمارے پیغمبر نے بھی خواتین کو مساوی حقوق فراہم کرنے کا درس دیا ہے۔