کرونا وائرس دنیا بھر میں خوف و حراس کی فضاء پیدا کئیے ہوے ہے جس کے باعث تیل کی قیمتوں میں مسلسل کمی ہو رہی ہے، گذشتہ 4 برسوں کے دوران تیل کی قیمت میں ریکارڈ کمی سامنے آرہی ہے۔

غیرملکی خبر رساں ادارے کے مطابق روسی صدر نے عالمی تیل منڈی کے مسائل پر تبادلہ خیال کے دوران کہا کہ کرونا وائرس کے پھیلنے سے عالمی معیشت پر بہت گہرے اور برے اثرات مرتب ہو رہے ہیں۔

روسی صدر ولادی میر پیوٹن نے تیل کی قیمتوں میں ریکارڈ کمی پر بات کرتے ہوئے کہا کہ “ابھی یہ اندازہ لگانا مشکل ہے کہ قیمتوں میں کمی کا سلسلہ کب تک جاری رہے گا تاہم صورتحال سے نمٹنے کے لیے تیاری کرنا ہوگی”۔

بین الاقوامی خبر رساں ادارے کے مطابق کرونا وائرس کے باعث عالمی منڈی میں تیل کے نرخ 1 برس کے دوران انتہائی نچلی سطح پر آگئے ہیں جبکہ تیل کےنرخوں میں کمی کا گذشتہ 4 سالہ ریکارڈ ٹوٹنے کے قریب ہے۔

معاشی ماہرین کے مطابق ممکنہ طور پر تیل پیدا کرنے والے ممالک کی تنظیم اوپیک اور اتحادی تیل پیداوار میں بڑی کمی کریں گے، اوپیک پلس نے بتایا کہ وہ کرونا وائرس کے پھیلاؤ کے بعد ذمہ دارانہ فیصلہ کرے گی۔