گورنرپنجاب چوہدری محمد سرور نے کہا ہے کہ لاہور سمیت پنجاب بھر میں کورونا سے متاثرہ افراد کے اہل خانہ کو راشن دیا جائے گا۔

تفصیلات کے مطابق گورنرپنجاب چوہدری محمد سرور سے ایل آئی ایچ ایس کے نمائندوں میاں احسن اور  انوار غنی کی ملاقات ہوئی ، جس میں فلاحی تنظیم  ایل آئی ایچ ایس نے کرونا ایمرجنسی فنڈ  کے لیے گورنر پنجاب کو 50 ملین عطیہ دے دیا۔

  اس موقع پر ایل آئی ایچ ایس کے نمائندوں نے کورونا کے خلاف اپنے بھرپور تعاون کی یقین دہانی کروا دی جبکہ گورنر پنجاب چوہدری محمد سرور نے کورونا کے شکار غریب افراد کی فیملیز کے لیے فری راشن پیکج کا اعلان  کیا ہے

پیکج میں 20 کلو آ ٹا، 10 کلو چاول، 20لٹر دودھ، 10 کلو چینی ، مفت راشن میں 5 کلو دالیں، چائے کے 5 ڈبے اور دو درجن صابن بھی شامل ہیں

 پی ڈی این میں شامل 40 سے زائد این جی اوز بھی تعاون کر رہی ہیں  جبکہ  حکومت کرونا کی وبا سے نمٹنے کے لئے اپنی تمام ذمہ داریاں  بھی پوری کررہی ہے ۔

لاہور سمیت پنجاب بھر میں کورونا سے متاثرہ افراد کے اہل خانہ کو جب تک کورونا کا مریض مکمل صحت یاب نہیں ہو گا، راشن کی فراہمی جاری رکھیں گے۔

کورونا : پنجاب میں دفعہ 144 نافذ ، مری بند

یاد رہے کہ گزشتہ روز چیف سیکرٹری پنجاب میجر (ر) اعظم سلیمان خان نے صوبے میں کورونا وائرس کی مستقل مانیٹرنگ، اشیاء خوررونوش کی فراہمی اور ذخیرہ اندوزی کی روک تھام کیلئے کورونا کرائسس مینجمنٹ کمیٹی تشکیل دے دی تھی۔

پنجاب میں دفعہ 144 نافذ کا فیصلہ چیف سیکرٹری پنجاب کی زیر صدارت اعلیٰ سطحی اجلاس میں کیا گیا تھا ۔ اجلاس میں تمام ایڈمنسٹریٹو سیکر ٹریز، کمشنر نے شرکت کی جبکہ دیگر ڈویژنل کمشنرز اور آرپی اوز ویڈیو لنک کے ذریعے شریک ہوئے تھے ۔

چیف سیکرٹری نے حکم دیا  تھا کہ موجودہ صورتحال میں عوام کا تحفظ اور ان تک اشیاء ضرویہ کی دستیابی یقینی بنانا حکومت کی اولین ذمہ داری ہے اس لئے انتظامی افسران اشیاء خورونوش، فیس ماسک اور سینی ٹائزر کی ذخیرہ اندوزی کرنے والوں کیخلاف سخت کارروائی کریں اورخلاف ورزی کے مرتکب افراد سے کوئی رعائت نہ برتی جائے۔