وزیراسکول ایجوکیشن پنجاب ڈاکٹر مراد راس نے  پرائیویٹ اسکولوں کی فیس میں 20 فیصد کمی کا نوٹیفیکیشن ٹویٹ کردیا ہے۔

سماجی رابطے کی ویب سائٹ ٹوئٹر پر نوٹیفیکیشن جاری کرتے ہوئے ڈاکٹر مراد راس کا کہنا تھا کہ نوٹیفکیشن کے اجراء کے بعد تمام پرائیویٹ اسکول فیس میں 20 فیصد کمی کے بعد ہی فیس وصول کر سکیں گے۔

انہوں نے کہا کہ تمام اسکول فیسوں میں 20 فیصد کمی کر کے نئے فیس واوچرز کا اجراء کریں، والدین صرف حکومت پنجاب کی تجویز کردہ کمی کے ساتھ موصول ہونے والے فیس واوچرز کے مطابق فیس جمع کرائیں۔

ڈاکٹر مراد راس کا مزید کہنا تھا کہ اس مشکل وقت میں اسکولوں کی فیس میں 20 فیصد کمی تمام والدین کے لئے باعث اطمینان ہے۔