پاکستان میں رمضان المبارک کا چاند نظر آگیا ہے کل 24 اپریل کو پہلا روزہ ہوگا۔

تمام مکاتب فکر کے علماء کرام نے کورونا وائرس کے پیش نظرمسلمان بھائیوں سے نمازیں گھروں میں ہی ادا کرنے کی خواہش کی ہے۔

دوسری جانب محکمہ داخلہ سندھ نے ماہ رمضان کے لئے ایس او پیز جاری کردی تراویح نماز کی ادائیگی گھروں پر ہوگی جبکہ احترام رمضان آرڈیننس پر سختی سے عمل کرنا ہوگا۔

نوٹیفیکیشن کے مطابق سندھ میں کریانہ اسٹور سبزی دودھ کی دکانیں صبح آٹھ بجے سےشام پانچ تک کھلی رہیں گی جبکہ دودھ کی دکانوں کو رات آٹھ بجے تک کام کی اجازت ہوگی۔

سموسے پکوڑے کی دکانیں یا بیکری شاپ شام پانچ بجے تک کھلی رہے گی۔