پاکستان نے بھارت کی جانب سے لگائے جانے والے دراندازی کے بھارتی الزامات  سختی سےمسترد کر دیے۔

ترجمان دفتر خارجہ کی جانب سے جاری کردہ بیان میں  بھارت کی طرف سے پاکستان پر دراندازی اور ایل او سی پر لانچنگ پیڈز کو نشانہ بنانے کے من گھڑت الزامات  کی تردید کی گئی ہے۔

ترجمان دفتر خارجہ نے کہا کہ  بھارت کے دراندازی سے متعلق بیانات بے بنیاد ہیں۔ بھارت کا پروپیگنڈہ انتہائی حدوں کو چھو رہا ہے۔

دفتر خارجہ کے ترجمان نے مزید کہا  پاکستان پر بھاری ہاتھ ہونے کے بھارتی وزیر دفاع کے بیان کو مسترد کرتے ہیں۔بھارت مقبوضہ کشمیر میں انسانی حقوق کی خلاف ورزیوں سے دنیا کی توجہ ہٹانا چاہتا ہے۔

ترجمان دفتر خارجہ کا کہنا تھا کہ  بھارت کورونا وائرس کی وبا ءکے باوجود مقبوضہ کشمیر میں بنیادی انسانی سہولیات فراہم نہیں کر رہا۔ پاکستان کشمیریوں کی سیاسی، سفارتی اور اخلاقی حمایت جاری رکھے گا۔