وزیراعظم کی معاون خصوصی برائے اطلاعات فردوس عاشق اعوان کی تنخواہ اورمراعات کی تفصیلات سامنے آگئیں۔ فردوس عاشق اعوان کی مراعات کی تفصیلات قومی اسمبلی میں پیش کی گئیں۔ جام عبدالکریم جن کا تعلق اپوزیشن کیجماعت سے ہے انہوں نے معاون خصوصی برائے اطلاعات فردوس عاشق کی تنخواہ و مراعات پر سوال اٹھایا تھا جس پر تفصیلات پیش کی گئیں۔

کابینہ ڈویژن کے مطابق وزیرمملکت برائے اطلاعات فردوس عاشق اعوان کو ماہانہ 4 لاکھ 6 ہزار روپے ادا کیے جاتے ہیں او سرکاری گھر نہ الاٹ ہونے پر ماہانہ 93 ہزار 700 روپے اضافی دیئے جاتے ہیں۔

کابینہ ڈویژن کی طرف سے یہ بھی بتایا گیا کہ وفاقی وزراء اور مشیران کو ماہانہ 4 لاکھ 48 ہزارروپےدیئے جاتےہیں اور سرکاری گھر نہ ہونے پر وزراء کو ماہانہ ایک لاکھ 3 روپے اضافی دیے جاتے ہیں۔

کابینہ ڈویژننے مزید بتایا کہ وزراء اور وزرائے مملکت کو سرکاری دوروں کے دوران 3 ہزار روپے یومیہ ملتا ہے، ذاتی اور خاندان کے استعمال کےلیے گاڑی، سیکیورٹی گارڈز کی سہولت بھی دی جاتی ہے۔

گھر میں 4 اے سی، ہیٹرز اور ٹیلی فون کی سہولت بھی دی جاتی ہے۔