دنیا ہوجائے ہوشیار، اگر لاک ڈاون میں نرمی کی گئی تو سب ہوجائے گا بیکار۔

دنیا کے لیے ایک اور خطرے کی گھنٹی بجا دی گئی ہے، عالمی ریسکیو ادارے نے خبردارکیا ہے کہ دنیا لاک ڈاون میں نرمی میں جلدی کا مظاہرہ نہ کرے  اگر ایسا کیا گیا تو دنیا بھر میں کورونا مریضوں کی تعداد ایک ارب تک پہنچ سکتی ہے۔

ادارے کا کہنا تھاکہ جنگ سے متاثرہ افغانستان اور شام خطرے کی لائن پر ہیں۔

عالمی اداروں کو ان ممالک میں فوری مدد کرنا چاہیے اس سے پہلے کہ دیر ہوجائے اورساتھ ہی ایک اور تشویش سے آگاہ کردیا۔

اس بات کا خدشہ ہے کہ ایسے کمزور ممالک میں کورونا سے اموات تیس لاکھ کے ہندسے کو چھو سکتی ہے۔

دوسری جانب ڈبلیو ایچ او کے ڈائریکٹر جنرل ڈاکٹر ٹیڈروس نے کہا کہ کورونا وائرس کی وباء ابھی ختم ہونے والی نہیں ہے۔