مفتی منیب الرحمان کا کہنا ہے کہ مساجد پر آج سے لاک ڈاؤن کا اطلاق نہیں ہوگا۔

کراچی میں پریس کانفرنس کرتے ہوئے مفتی منیب الرحمان کا کہنا تھا کہ آج سے مساجد پر لاک ڈاؤن کا اطلاق نہیں ہوگا جبکہ رمضان المبارک میں مساجد میں تراویح بھی ہوگی۔

انہوں نے کہا کہ نماز،تراویح،اعتکاف سمیت تمام عبادات کاسلسلہ مساجد میں ہی ہوگا، احتیاطی تدابیر کے ساتھ مساجد کھلی رہیں گی۔

مفتی منیب الرحمان کا مزید کہنا تھا کہ حکومت کو پیغام دینا چاہتے ہیں کہ مساجد بند نہیں ہونی چاہئے، پولیس نے بہت سی زیادتیاں کی ہیں، حکمران وعدہ کچھ کرتے ہیں لیکن ہوتا کچھ اور ہی ہے۔