پرائیویٹ اسکولز منیجمنٹ ایسوسی ایشن نے 15جون سے اسکولز کھولنےکا اعلان کردیا ہے۔

تفصیلات کے مطابق پرائیویٹ اسکولز منیجمنٹ ایسوسی ایشن سندھ کے چیئرمین شرف الزماں نے 15جون سے اسکولز کھولنے کا اعلان کرتے ہوئے کہا کہ اسکول کھولنے کا فیصلہ اٹل ہے جبکہ اساتذہ کو احتیاطی تدابیر کے تحت شیڈول کردیا گیا ہے۔

انہوں نے مزید کہا کہ ہم دو سے تین شفٹ میں اسکول کھولنے کو تیار ہیں۔

واضح رہے کہ اس سے قبل آل پاکستان پرائیوٹ اسکولز کے صدر کاشف مرزا نے بھی کچھ روز قبل حکومت سے اپیل کرتے ہوئے کہا تھا کہ اسکولز ایس اوپیز کے تحت یکم جون سے کھولے جائیں۔