عالمی وبا کورونا وائرس کی وجہ سے جہاں تمام تر تقریبات اور اجتماعت منسوخ کر دیے گئے ہیں وہیں اس دوران شادی کرنے کے نئے نئے طریقے سامنے آرہے ہیں۔

تفصیلات کے مطابق لندن کے اسپتال ’ لنڈنز اسٹریٹ تھومس ہوسپٹل‘میں ڈاکٹر اور نرس کی شادی کا دلچسپ واقعہ سامنے آیا جہاں اُنہیں شادی کے لیے خصوصی اجاز ت دی گئی۔

یاد رہے ان کی شادی رواں سال اگست میں طے پائی گئی تھی لیکن کچھ وجوہات کی بنا پر شادی ہو نہیں سکی۔

This is lovely. 👇 https://www.bolnews.com/urdu/latest/2020/05/398325/amp/

Advertisement

— Matt Hancock (@MattHancock) May 26, 2020

اس حوالے سے انہوں نے بتایا تھا کہ دونوں کے خاندان کے لیے اس وبا کی صورتحال میں بحافاظت شمالی آئر لینڈ اور سری لنکا سے آنا ممکن نہیں تھا۔

غیر ملکی خبر رساں ادارے کے مطابق لندن میں 34 سالہ نرس جین ٹپنگ اور 30 سالہ ڈاکٹر انالان نواراتنم  نے شادی کر لی ہے۔

جبکہ اُن کے مہمانوں نے لائیو اسٹریم کے ذریعے آن لائن شادی میں شرکت کی ہے۔

ٹپنگ کا کہنا تھا کہ ’ہم چاہتے تھے کہ سب ہماری شادی پر خوشیاں منائیں چاہے ہمارے پیاروں کو ہمیں اسکرین پر ہی کیوں نا دیکھنا پڑے۔

ڈاکٹر انالان نواراتنم کا کہنا تھا کہ مجھے اس بات کی بہت خوشی ہے کہ ہم دونوں اس رشتے میں بندھ گئے ہیں۔

دوسری جانب اس شادی کی خبر سن کا لندن کے ہیلتھ منسٹر میٹ انوک نےٹوئٹر اکاؤنٹ پر خوشی کا اظہار کیا اور کہا کہ یہ ایک شاندار خبر ہے۔