امریکی پاپ گلوکارہ لیڈی گاگا نے مداحوں کو بڑی خوشخبری دے دی۔

تفصیلات کے مطابق 34 سالہ گلوکارہ لیڈی گاگا نے طویل انتظار کے بعد اپنا نیا میوزک ایلبم ریلیز کر کے مداحوں کے انتظار کو ختم کر دیا۔

یاد رہے کہ گلوکارہ لیڈی نے اس حوالے سے سوشل میڈیا پر بتایا بھی تھا کہ اپریل 2020 میں چھٹا میوزک ایلبم ریلیز کریں گی تاہم کورونا کی وجہ سے کچھ تاخیر آئی اور اپریل کے بجائے مئی مین ایلبم ریلیز ہوا۔

See more

گلوکارہ لیڈی گاگا نے چھٹا میوزک ایلبم ’کرو ماٹیکا‘ 29 مئی کو ریلیز کردیا ہے۔

گلوکارہ نے اس خبر کے بارے میں سماجی رابطے کی ویب سائٹ انسٹاگرام پر بھی بتایا۔

See more

دوسری جانب لیڈی گاگا نے اب تک 6 ہی آڈیو میوزک ایلبم ریلیز کیے ہیں، تاہم وہ 2 ریمکس میوزک ایلبم ریلیز کرنے سمیت 3 ویڈیو ایلبمز بھی ریلیز کر چکی ہیں جب کہ انہوں نے درجنوں سنگل گانے بھی جاری کیے ہیں۔

اس کے علاوہ لیڈی گاگا نے 2018 میں فلم ڈیبیو بھی کیا تھا اور ساتھ ہی انہیں عالمی فیشن آئیکون کے طور پر بھی شہرت حاصل ہے۔

واضح رہے کہ لیڈی گاگا نے 2016 میں اداکار و گلوکار 37 سالہ ٹیلر کنی سے منگنی ختم کی تھی۔