پاک فضائیہ کے سربراہ ایئر چیف مارشل مجاہد انور خان نے قوم کو عید ا لفطر کے پر مسرت موقع پر مبارکباد دی۔

ترجمان پاک فضائیہ کے مطابق  ائیر چیف مارشل مجاہد انور خان نے اپنے پیغام میں کہا ہے کہ یہ عید انتہائی غیرمعمولی حالات میں آئی ہے ۔

ائیر چیف مارشل نے کہا کہ ایک طرف پوری قوم بڑی بہادری سے کورونا وائرس جیسے وبائی مرض کا مقابلہ کررہی ہے۔ دوسری طرف ہمارے دل پی کے 8303 طیارے  کے المناک حادثے پر غمناک ہیں۔

انہوں نےاس اندوہناک حادثےمیں شہید ہونے والوں اور کورونا وائرس سے جاں بحق افراد کے لواحقین کے ساتھ دلی تعزیت کا اظہار کیا۔

مجاہد انور خان نے اس موقع پر کشمیری بہنوں اور بھائیوں کو بھی خراج تحسین پیش کیا جو اس وقت بھارتی جارحیت اور مظالم کا سامنا کر رہے ہیں۔