پاکستان کے معروف اداکار احسن خان نے کہا کہ مستقبل میں سینما گھروں کا کیا بنے گا۔

تفصیلات کے مطابق اداکار احسن خان نے کورونا کی صورتحال پر کہا کہ کورونا ہم سب کے لیے ایک آزمائش ہے۔

اداکار احسن خان نے کہا کہ کورونا کی وجہ سے تمام ڈراموں اور فلموں کی شوٹنگز کا سلسلہ تھم گیا ہے۔

انہوں نے مزید کہا کہ ہنگامی بنیاد پر کی جانے والی عید کی درجنوں فلموں کی شوٹنگز ملتوی بھی ہوگئیں ہیں۔

احسن خان کورونا کی تمام تر صورتحال کودیکھتے ہوئے کہا کہ کوئی نہیں جانتا کہ مستقبل میں سینما گھروں کا کیا بنے گا۔

اداکار کا کورونا کے حوالے سے کہنا تھا کہ پُوری دُنیا لاک ڈاؤن میں ہے کسی خاص طبقے کا اس سے تعلق نہیں ہے۔

اداکار کا کہنا تھا کہ وہ ذاتی طور پر ایسا محسوس کر رہے ہیں کہ رَبُّ العزت نے ہمیں کچھ دکھایا ہے۔

کیونکہ رَبّ تعالیٰ فرماتا ہے کہ میں بندوں کو آزماتا ہوں۔ کورونا ہم سب کی آزمائش ہے، ہم اس پریشانی سے کس طرح نکلتے ہیں، یہ ہم سب پر منحصر ہے۔

واضح رہے کہ اداکار احسن خان کو ڈرامہ اُڈاری سے غیر معمولی مقبولیت حاصل ہوئی اور شاہ رخ کی سالیاں اور الف ڈارمے کی وجہ سے مزید کامیابی حاصل ہوئی۔