جسے اللہ رکھے اسے کون چکھے، ابتدائی رپورٹ کے مطابق کراچی طیارے حادثے میں تین افراد موت کو شکست دے چکے ہیں۔

تفصیلات کے مطابق بینک آف پنجاب کے صدر ظفر مسعود طیارہ حادثے میں معجزانہ طور پر محفوظ رہے۔

طیارے میں سوار ظفر مسعود کو زخمی حالت میں اسپتال منتقل کیا گیا تو انہوں نے اپنی والدہ کو فون کرکے اپنی خیریت بتائی جبکہ وزیراعلیٰ سندھ مراد علی شاہ نے بھی نجی اسپتال میں ظفر مسعود کی عیادت کی۔

طیارے میں سوار زبیر نامی  مسافر کو جناح اسپتال منتقل کیا گیا جہاں اسکی حالت خطرے سے باہر ہے، وزیراطلاعات  ناصر حسین شاہ اور وزیر تعلیم سعید غنی نے زبیر کی عیادت بھی کی۔

ترجمان محکمہ صحت  نے طیارے پر سوار ایک اور مسافر خاتون کے محفوظ رہنے کی تصدیق کردی ہے۔

ترجمان کے مطابق طاہرہ محمود نامی خاتون اس وقت سی ایم ایچ ہسپتال میں زیر علاج ہیں اور ان کی حالت خطرے سے باہر ہے۔