پاکستان میں کورونا وائرس کا اب تک سب سے بڑا وار، ایک روز میں موذی وائرس سے ریکارڈ تعداد میں ہلاکتیں ہوئیں ہیں۔

ملک میں کورونا وائرس نے ایک روز میں ریکارڈ تعداد میں زندگیوں کو لقمہ اجل بنادیا ہے، کورونا کے ہاتھوں 76 افراد کی جانیں چلی گئیں، ملک میں جاں بحق افراد کی مجموعی تعداد 13 سو 61 تک پہنچ گئی ہے۔

ایک روز میں دو ہزار 55 مزید افراد بھی کورونا سے متاثرہوگئے، متاثرہ افراد کٍی مجموعی تعداد 65 ہزار63 ہوگئی ہے، آج 16 سو 29 مریضوں نے کورونا کو شکست بھی دے دی ہے، 76 افراد  کورونا کے ہاتھوں اللہ کو پیارے ہوگئے، ملک میں کورونا سے جاں بحق افراد کی مجموعی تعداد 1361 تک پہنچ گئی ہے۔

آج سندھ میں 804 نئے کیسز رپورٹ ہوئے، متاثرہ افراد کی تعداد  26113تک پہنچ گئی۔

پنجاب میں کورونا کے927 نئے کیسز سامنے آئے، مجموعی تعداد 22964 تک پہنچ گئی۔

خیبر پختونخوا میں 225 نئے کیسز سامنے آئے، مجموعی تعداد 9067 ہوگئی۔

بلوچستان میں 3928 اسلام آباد 2100،  گلگت 664، اور آزاد کشمیر میں کورونا کے کُل 227 مریض رپورٹ ہوچکے ہیں۔