چینی وزیر خارجہ وانگ یی نے امریکا کے لیے کہا کہ امریکا چین کو سرد جنگ کی جانب دھکیل رہا ہے۔

تفصیلات کے مطابق وانگ یی نے کہا کہ امریکا چین کو ایک ’نئی سرد جنگ کے دہانے‘ پر دھکیل رہا ہے۔

یاد رہے کہامریکا اور چین کے درمیان کشیدگی مسلسل بڑھتا جا رہا ہے۔

غیر ملکی خبر رساں ادارے کے مطابق چینی وزیر خارجہ وانگ یی نے کہا کہ یہ بات ہمارے سامنے آ رہی ہے کہ امریکا میں متعدد سیاسی قوتیں چین اور امریکا کے تعلقات کے ساتھ کھیل رہی ہیں۔

انہوں نے مزید کہا کہ دونوں عالمی طاقتوں کے درمیان تجارت، انسانی حقوق اور کئی امور پر شدید اختلافات پائے جاتے ہیں۔

واضح رہے کہ کورونا وائرس کے پھیلاؤ نے حالات کو مزید تناؤ کا شکار بنا دیا ہے۔