پاکستان میں کورونا وائرس کے مزید 2136 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد26978 تک پہنچ گئی ہے۔

تفصیلات کے مطابق ملک میں آج  مزید 2136 افراد میں مہلک  کورونا وائرس کی تشخیص ہوئی  ہے  جس میں سب سے زیادہ 956 کیسز پنجاب میں رپورٹ ہوئے ہیں۔

اس کے علاوہ سندھ سے 598 ، اسلام آباد میں 37، بلوچستان میں 151 ، گلگت بلتستان میں 21  اورخیبرپختونخوا میں 371 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق سندھ میں 9691، بلوچستان میں 1876 ، خیبرپختونخوا میں 4327 ،اسلام آباد میں 558 ، گلگت بلتستان میں 415 ، پنجاب میں 10033اور آزاد کشمیر میں 78 افراد متاثر ہوچکے ہیں۔