وفاقی کابینہ کی منظوری کے بعد مئیر اسلام آباد شیخ انصر عزیز کو معطل کر دیا گیا ہے۔

تفصیلات کے مطابق  وفاقی کابینہ کی منظوری کے بعد میئراسلام آباد شیخ انصرعزیز کو کرپشن کے الزام پر معطل کر دیا گیا ہے، وزارت داخلہ نے کابینہ کے منظوری کے بعد نوٹیفیکشن جاری کر دیا۔

نوٹفکیشن جوائنٹ سیکرٹری عرفان انجم نے جاری کیا ، نوٹیفکیشن کے مطابق میئراسلام آباد شیخ انصرعزیز کو 90 روز کے لیے معطل کیا گیا ہے اور اس کا مقصد شیخ انصر کے خلاف صاف شفاف انکوائری کرنا ہے۔

ذرائع کا کہنا ہے کہ شیخ انصر عزیز پر غیر قانونی نیلامی میں ملوث ہو نے کا الزام ہےا ور شیخ انصر عزیز کو معطل کرنے کی سمری کابینہ نے سرکولیشن کے ذریعے منظور کی۔