عرفان خان کی یادگار ویڈیو بیٹے نے شیئر کردی

اریبہ نثار

04th May, 2020. 06:23 pm
شيئر

بالی ووڈ کے لیجنڈری اداکار عرفان خان کے بیٹے بابیل نے والد کی یادگار ویڈیو شیئر کردی۔

تفصیلات کے مطابق معروف بھارتی اداکار عرفان خان کے 19 سالہ بیٹے بابیل نے سماجی رابطے کی ویب سائٹ انسٹاگرام پر والد کی پانی پوری کھاتی ہوئی ویڈیو پوسٹ کی۔

ویڈیو میں دیکھا جاسکتا ہے کہ عرفان خان کسی مقامی ریسٹورنٹ میں بیٹھے پانی پوری سے لطف اندوز ہورہے ہیں۔

ویڈیو شیئر کرتے ہوئے بابیل نے کیپشن میں لکھا کہ ’جب آپ طویل عرصے سے ڈائٹ پر ہوں اور ایک دن آپ کو پانی پوری سے لطف اندوز ہونے کا موقع میسر آئے ۔‘

یاد رہے گزشتہ دنوں قبل نامور بالی وڈ اداکار عرفان خان طویل علالت کے بعد انتقال کر گئے تھے، ان کی عمر 54 برس تھی، کولون انفیکشن ان کی موت کا سبب بنا۔

عرفان خان کئی ماہ سے کینسر کے خلاف جنگ بھی لڑ رہے تھے اور چند ماہ قبل لندن میں زیر علاج رہنے کے بعد واپس ممبئی آئے تھے۔

بھارتی میڈیا کے مطابق گزشتہ روز عرفان خان کو کولون انفیکشن کے سبب ممبئی کے مقامی ہسپتال داخل کیا گیا تھا جہاں حالت تشویش ناک ہونے پر آئی سی یو منتقل کیا گیا تاہم وہ جانبر نہ ہو سکے۔

عرفان خان کو مارچ 2018 میں نیورو اینڈوکرائن کینسر کی تشخیص ہوئی تھی جس کے بعد وہ کینسر کے علاج کے لیے لندن منتقل ہوگئے تھے۔

بالی وڈ کے مقبول ترین اداکار عرفان خان کے انتقال پر بالی وڈ، لالی وڈ اور مختلف شعبہ ہائے زندگی سے تعلق رکھنے والی شخصیات کی جانب سے افسوس کا اظہار کیا گیا۔

شان شاہد

لالی وڈ اداکار شان شاہد نے عرفان خان کے انتقال پر افسوس کا اظہار کرتے ہوئے ان کے لواحقین کے لیے صبر کی دعا بھی کی۔

سجل علی

اداکارہ سجل علی نے عرفان خان کے انتقال پر حیرانی اور افسوس کا اظہار کیا۔

Shocked and sad.
What a brilliant actor he was!
Rest In Peace #IrrfanKhan pic.twitter.com/U6v4I3lt7V
— Sajal Ali (@Iamsajalali) April 29, 2020

زارا نور عباس

اداکارہ زارا نور عباس نے عرفان خان کو خراج عقیدت پیش کرنے کے لئے شاعری کا انداز اپنایا۔

عمران عباس

عمران عباس نے انسٹاگرام پر عرفان خان کی تصویر شیئر کرتے ہوئے لکھا کہ وہ ان کی موت کا سن کر انتہائی غمزدہ ہیں۔

واضح رہے کی بھارتی اداکارعرفان خان کا انتقال بالی وڈ انڈسٹری کا بڑا نقصان ہے۔

#RIP .. a sad news indeed , my prayers for his final journey .may his soul rest in peace ..may ALLAH grant him jannah..and give his family sabar..A fine actor Who’s work will be remembered by the generations to come .♥️🙏🏼 pic.twitter.com/siRwLqrQJv
— Shaan Shahid (@mshaanshahid) April 29, 2020