پاکستان کی معروف گلوکارہ آئمہ بیگ کا کہنا ہے کہ سب سے مشکل کام ہمارے معاشرے کے لوگوں کو مطمئن کرنا ہے۔

گلوکارہ آئمہ بیگ نے فوٹو اور ویڈیو شیئرنگ ایپ انسٹاگرام پر  اپنی ایک تصویر پوسٹ کی جس کے ساتھ اُنہوں نے ایک طویل کیپشن لکھا۔

See more

آئمہ بیگ نے بتایا کہ میں نے اپنے کریئر کے 3 سے 4 سال کے دوران سیکھا ہے کہ شوبز انڈسٹری میں کریئر بناتے وقت فنکار کے لیے سب سے مشکل کام ہمارے معاشرے کے لوگوں کو مطمئن کرنا ہے۔

گلوکارہ نے لکھا کہ لوگ کہتے ہیں کہ ہم فنکار اُن کے مطابق زندگی گُزاریں۔

انہوں کہا کہ لوگ یہ چاہتے ہیں کہ وہ جو چاہتے ہیں ہم ویسے کپڑے پہنیں، وہ جیسے چاہتے ہیں ہم ویسی گلوکاری کریں۔

دوسری جانب گلوکارہ نے کہا کہ مجھے تو لگتا تھا کہ پاکستان ایک آزاد ملک ہے جہاں مرد و خواتین ہر ایک کو اپنی مرضی کے مطابق آزادی سے رہنے کا حق حاصل ہے۔

آئمہ بیگ نے بتایا کہ جب میں نے اپنا کریئر شروع کیا تھا تو اُس وقت میری عمر 20 یا 21 برس تھی اور میں اپنا گریجویشن مکمل کر رہی تھی، میں اُس وقت کو یاد کروں تو معلوم ہوتا ہے کہ اللّہ تعالیٰ کے مجھ پر کتنے احسانات ہیں جس نے مجھے کامیاب و ترقی عطا کی۔

گلوکار ہ نے کہا کہ آج بھی کوئی 13یا 15سال کا بچہ میرے پاس آٹوگراف یا تصویر کھنچوانے کے لیے آتا ہے تو میں یہ نہیں سوچتی کہ میں تصویر میں اچھی لگوں گی یا بُری۔

واضح رہے آئمہ بیگ نے پوسٹ کے اختتام میں کہا کہ آخرماں کی دُعا پھر ماں کی دُعا ہی ہوتی ہے اور بے شک ضرور قبول ہوتی ہے۔