پاکستانی اداکار شہروز سبزواری اور صدف کنول کی شادی پر سوشل میڈیا  پر تنقید کا سلسلہ شروع ہو گیا۔

تفسیلات کے مطابق شہروز سبزواری نے صدف سے شادی پر خاموشی توڑ دی۔

اداکار شہروز سبزواری نے کہا کہ میں حلفاً کہتا ہوں کہ میری اور سائرہ کی شادی کسی لڑکی کی وجہ سے ختم نہیں ہوئی۔

شہروز نے کہا کہ میں نےاور سائرہ نے باہمی رضا مندی کے ساتھ طلاق کا فیصلہ کیا۔

شہروز سبزواری نے اپنے ویڈیو بیان میں کہا کہ اگر کوئی یہ دعوی کرتا ہے کہ میں نے سائرہ کو دھوکا دیا تو وہ میرے سامنے بیٹھ کر ثابت کرے۔

خیال رہے کہ شہروز سبزواری اور صدف کنول کی شادی سوشل میڈیا صارفین کی تنقید کی نذر نظر آرہی ہے۔

اداکار شہروز کا مزید کہنا تھا کہ ویڈیو پیغام دینے کا مقصد میری فیملی اورمیری بیٹی ہے۔

تاکہ میں  اس کو بتا سکوں گا کہ اس کے باپ نے مخالفین کو کیا جواب دیا تھا۔

واضح رہے کہ شہروز سبزواری نے ماڈل صدف کنول سے نکاح کر لیا ہے جس پر سوشل میڈیا پر ایک بحث چھڑ گئی ہے۔