پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کا کہنا ہے کہ بھارت  کیلئےجواب ہے کہ ہم تیار ہیں، بھرپور طاقت سے جواب دینگے۔

آئی ایس پی آر کی جانب سے جاری کردہ بیان کے مطابق ترجمان پاک فوج کا کہنا ہے کہ بھرپور طاقت سےجواب کا مظاہرہ بھارت نے پچھلے سال دیکھ لیا تھا، بھارت ہم پر لانچ پیڈ کا الزام لگاتا ہے، یو این مبصرگروپ کو مکمل آزادی ہے پاکستان سائیڈ پر جہاں چاہیں آجا سکتے ہیں جبکہ عالمی میڈیا کو کئی بار ان علاقوں میں لے کر بھی جا چکے ہیں۔

ترجمان پاک فوج کا مزید کہنا تھا کہ پاکستان نے کسی قسم کی رسائی سے انکار نہیں کیا، خطے میں تمام دیرینہ معاملات کا تعلق بھارت کے ساتھ ہے، بھارت وہاں  بھی مداخلت کررہا ہے جہاں اس کی سرحدیں نہیں ملتیں۔