عالمی وبا کورونا سے متعلق ایک تحقیق میں حیران کن انکشاف کیا گیا ہے۔

تفصیلات کے مطابق امریکا میں ایک تحقیق میں بتایا گیا کہ کورونا کا پھیلاو بہت پہلے ہی شروع ہو گیا تھا۔

تحقیق کے مطابق چین میں گزشتہ سال اگست سے ہی کروناوائرس کا پھیلاؤ شروع ہوچکا تھا تاہم ابتدائی دور میں وائرس کی تشخیص نہیں ہوئی تھی۔

2019 کے دوران چینی شہر ووہان میں کرونا مریضوں کی تعداد میں حیران کن حد تک اضافہ شروع ہوگیا تھا.

خیال رہے کہ ’ایمجنری سیٹلائٹ‘ اور ’ٹریفک والیم‘ کی مدد سے مذکورہ تحقیق کا عمل مکمل کیا گیا ہے۔

اس بات کا علم چین میں انٹرنیٹ پر سرچ کیے جانے والے طبی مسائل سے ہوا۔

دوسری جانب امریکی ڈاکٹر ’جون برونسٹن‘ نے  تحقیق کی کہ چین میں 2019  میں صارفین نے جس بیماری کے حل کے لیے انٹرنیٹ پر سرچ کیا وہ کروناوائرس کی علامات تھیں۔

واضح رہے کہ تحقیق کے حوالے سے چینی وزیرخارجہ کے ترجمان ہاؤ چوائنگ نے امریکی مطالعے کو مسترد کردیا اورکہا کہ یہ جھوٹ اور سطحی مشاہدہ ہے۔