اینڈرائیڈ صارفین ہو جائے ہوشیار اور خطرناک ایپ کو فوری ڈیلیٹ کردیں۔

تفصیلات کے مطابق جرمنی کے ٹیکنالوجی ماہر نے اینڈرائیڈ صارفین کو خبردار کیا ہے۔

دی مررکی رپورٹ کے مطابق  ’وی پی این پرو‘ کے ماہرین نے بتایا کہ مشہور و معروف ویڈیو ایپ’ویوا ویڈیو‘ (Viva Video) کو فوری طور پر اپنے موبائل سے ڈیلیٹ کردیں۔

ماہرین نے صارفین کو مشورہ دیا کہ وہ کسی بھی بڑی پریشانی سے بچنے کے لیے ’ویوا ویڈیو‘کو جلد از جلد اپنے موبائل سے ان انسٹال کردیں۔

جرمن ماہرین کے مطابق یہ ایپ اسپائی ویئر رکھتی ہے،  جس کے ذریعے ہیکرز آپ کے موبائل فون تک رسائی حاصل کرسکتے ہیں اورآپ کا اہم ڈیٹا چرا کر آپ کو نقصان بھی پہنچا سکتے ہیں۔

اس حوالے سے سربراہ اور وی پی این کا کہنا تھا کہ ’یہ ویڈیو ایڈیٹنگ ایپ جب صارف ڈاؤن لوڈ کرلیتا ہے تو  کمپنی کو خود بہ خود اجازت مل جاتی ہے کہ وہ صارف کے موبائل تک رسائی حاصل کرلے۔

انہوں نے بتایا کہ صارف جب ایپ انسٹال کرتا ہے تو کمپنی اُس سے جی پی ایس تک رسائی کا اختیار بھی مانگتی ہے۔

صارف اگر اس کی اجازت نہ دے تو ایپ کو استعمال نہیں کرسکتا۔

صارف کا جی پی ایس لوکیشن، رابطہ نمبرز، میسجز، دیگر ایپلیکشنزسارا ڈیٹا کمپنی کے پاس پہنچتا ہے جس کا کوئی کبھی بھی فائدہ اٹھا سکتا ہے۔

واضح رہے کہ اس ایپ کو 10 کروڑ سے زائد صارفین گوگل پلے اسٹور سے ڈاؤن لوڈ کرچکے ہیں۔