تُرکی کے صدر رجب طیب اردگان نے بتایا کہ کہ ترکی جلد دنیا کی 10 بڑی معیشتوں میں شامل ہو جائے گا۔

تفصیلات کے مطابق    صدر رجب طیب اردگان نے فارس بیراج کی افتتاحی تقریب سے خطاب کرتے ہوئے خوشخبری سنائی ہے کہ ترکی دنیا کی 10 بڑی معیشتوں میں شامل ہونے کے انتہائی قریب پہنچ گیا ہے۔

انہوں نے کہا کہ ہم اپنے اس ہدف کے انتہائی قریب پہنچ گئے ہیں۔

غیر ملکی خبر رساں ادارے کے مطابق صدر رجب طیب اردگان نے کہا کہ اس انتہائی مشکل ہدف کے تعاقب میں مجھے اپنی عوام کی بھرپور حمایت حاصل رہی۔

صدر رجب طیب اردگان کا مزید کہنا تھا کہ ہماری حکومت آئی تو ملک میں صرف 276 بیراج فعال تھے اور آج میں 585 ویں بیراج کا افتتاح کررہا ہوں،۔

انہوں نے بتایا کہ ہم نے شہروں کو بیراجوں، ہائیڈرو الیکٹرک پاور اسٹیشن، پینے کے صاف پانی کی تنصیبات، اور جدید ٹیکنالوجی سے لیس نظامِ آب پاشی سے قوم کی خوشحالی کی سطح کو بتدریج بلند کیا ہے۔

خیال رہے کہ تُرک صدر طیب اردگان نے کہا کہ اسی طرح دوسری سہ ماہی میں بھی ہم اسی تیز رفتاری سے ہدف کی جانب بڑھ رہے ہیں۔

واضح رہے کہ صدر طیب اردگان نے بتایا کہ رواں سال کی پہلی سہ ماہی میں کورونا وبا کے باوجود شرح نمو 4.5 فیصد تک رہی جب کہ سینٹرل بینک کے زر مبادلہ ذخائر کو دوبارہ سے 93 ارب ڈالر سے بڑھایا گیاہے۔