پاکستان کی اداکارہ میرا نے مداحوں کے لیے پیغام جاری کر دیا۔

تفصیلات کے مطابق اداکارہ نے سوشل میڈیا پر ایک ویڈیو پوسٹ کی ہے جس میں اداکارہ نے ایک میسج دیا ہے۔

اداکارہ نے ویڈیو کے آغاز میں کہا کہ عالمی وبا کورونا کی اِس مشکل گھڑی میں پاکستانی عوام کا حوصلہ بڑھانے کے لیے ایک خصوصی پیغام جاری کیا ہے۔

میرا نے کہا کہ مجھے معلوم ہے کہ اِس وقت آپ سب لوگ پریشان اور گھبرائے ہوئے ہیں۔

اداکارہ نے کہا کہ مجھے یہ بھی معلوم ہے کہ آپ سب کے گھروں میں کیا ہورہا ہے۔

انہوں نے کہا کہ میں آپ کے دلوں کا حال بھی خوب اچھی طرح سے جانتی ہوں لیکن آپ لوگوں کو پریشان ہونے کی ضرورت نہیں ہے۔

میرا نے کہا کہ انشاءاللّہ اچھا وقت بھی جلد ہی آئے گا، مجھ پر بھروسہ رکھیں اور اپنا خیال رکھیں۔

یاد رہے کہ اداکارہ میرا گزشتہ ماہ ہی امریکا سے وطن واپس آئی ہیں جس کے بعد اُنہوں نے اپنا کورونا ٹیسٹ کروایا تھا جو کہ منفی آیا تھا۔

واضح رہے کہ میرا نے کورونا ٹیسٹ منفی آنے پر خوشی کا اظہار کیا تھا۔