پاکستان کے نامور اداکار نوید رضا نے کورونا کے دوران پیش ہونے والی مشکلات کے بارے میں بتا دیا۔

تفصیلات کے مطابق اداکار نوید رضا نے کہا کہ کورونا میں مبتلا ہونے کے بعد کن کن مشکلات کا سامنا کرنا پڑ رہا ہے اس بارے میں آپ لوگوں کو بلکل اندازہ نہیں ہے۔

ادکار نے سماجی رابطے کی مائیکرو بلاگنگ ویب سائٹ ٹوئٹر پر ایک پوسٹ کی جس میں انہوں نے بتایا کہ کورونا ایک ایسا بدترین وائرس ہے جس سے پوری دُنیا نمٹ رہی ہے۔

نوید رضا نے کہا کہ اگر آپ کو اپنے اہلِ خانہ یا پھر اپنے آس پاس کے لوگوں سے صرف دو فیصد بھی محبت یا ہمدردی ہے تو آپ یہ نہ کہیں کہ کورونا موجود نہیں ہے۔

Advertisement

If you have 2% love for your family or people around you STOP this "No corona exists party!" You have no idea how painful it is to have shortness of breath, congested chest, fever, muscle cramps, non-stop headaches, no sense of taste or smell, endless fatigue and tiredness.

— Naveed Raza (@naveedrazaactor) June 4, 2020

اداکار نوید نے بتایا کہ کورونا میں کیا کیا مشکلات پیش آتی ہیں،کورونا کے مریض کو سانس لینے میں دشواری ہوتی ہے، تیز بخار میں جلتا ہے، پٹھوں اور سر کا درد برداشت کرتا ہے، کھانے کا ذائقہ محسوس نہیں ہوتا اور ہر وقت تھکاوٹ کا شکار رہتا ہے۔

نوید نے ایک اور ٹویٹ کیا جس میں انہوں نے بتایا کہ کورونا وائرس ہر صبح ایک نئی علامات لیکر آتا ہے جس سے مریض کا ڈر مزید بڑھ جاتا ہے کہ وہ اپنے پیاروں سے بچھڑ جائے گا۔

Advertisement

Every morning brings new symptoms with fear of losing your loved ones. This is the most difficult and the worst virus the world is dealing with right now !!
Corona is serious, and no one paid me to become COVID positive. Stop this stupid madness. STAY HOME, GET YOURSELF TESTED.

— Naveed Raza (@naveedrazaactor) June 4, 2020

یاد رہے کہ اداکار نے تمام لوگوں سےگھروں میں رہنے کی اپیل کی اور کہا کہ برائے مہربانی گھروں میں رہیں اور خود کو کورونا سے محفوظ رکھیں۔

واضح رہے کہ اِس سے قبل اپنے ایک ویڈیو پیغام میں نوید رضا نے کورونا کی تصدیق کی تھی۔