عالمی وبا کورونا کی وجہ سے نیویارک میں اقوام متحدہ کا سالانہ اجتماع نہیں ہوگا۔

تفصیلات کے مطابق عالمی ادارے کی 75 سالہ تاریخ میں پہلی بار ایسا ہوا ہے کہ اقوامِ متحدہ کے لیڈرز نیویارک میں جمع نہیں ہوں گے۔

یاد رہے کہ عالمی وبا کورونا کی وجہ سے جنرل اسمبلی کے صدر محمد بندے کے مطابق کووِڈ19 کے باعث ستمبر میں ہونے والا اقوام متحدہ کا سالانہ اجتماع نہیں ہوگا۔

اس حوالے سے انہوں نے بتایا کہ75 سال پورے ہونے پر بڑی تیاریاں کی گئی تھیں لیکن موجودہ صورتحال کی وجہ سے معطل کرنا پڑ رہا ہے۔

تاہم توقع ظاہر کی جارہی ہے کہ مختلف ملکوں کے نمائندے اپنے سربراہِ مملکت کا ریکارڈ شدہ پیغام جنرل اسمبلی میں سنوادیں۔

صدر جنرل اسمبلی نے بتایا کہ عام طور پر سربراہانِ مملکت اکیلے سفر نہیں کرتے۔

انہوں نے بتایا کہ یاد رہے کہ نیویارک کورونا کے باعث ان کے وفود کی آمد کا متحمل نہیں ہوسکتا۔

واضح رہے کہ محمد بندے کے مطابق آنے والے دو ہفتوں کے دوران اقوامِ متحدہ فیصلہ کرے گی کہ جنرل اسمبلی کی عام بحث میں 193 ممالک کے سربراہ کس طرح اظہارِ خیال کرسکیں گے۔