پاکستان  کے سروں کے سلطان راحت فتح علی خان نے دعائیہ کلام’اے خدا ہمیں بخش دے‘کا پرومو ریلیز کر دیا۔

گلوکار راحت فتح علی نے دعائیہ کلام’اے خدا ہمیں بخش دے‘کی ایک جھلک ریلیز کردی تاہم یہ کلام جمعہ کے مبارک دن دنیا بھر میں ریلیز کیا جائے گا۔

یاد رہے کہ اس کلام کو قمر علی واجد ناشاد نے لکھا ہے جبکہ اس کی موسیقی نوید علی ہاشمی نے ترتیب دی ہے اور انٹرنیشنل میوزک پروڈیوسر سلمان احمد نے اسے پروڈیوس کیا ہے۔

اس کلام کو راحت فتھ علی نے موجودہ صورتحال کو سامنے رکھتے ہوئے تیار کیا ہے۔

صوفیانہ، عارفانہ اور دعائیہ کلام انہوں نے اس طرح گایا ہے کہ ان کی آواز سماعتوں کے ذریعے سیدھی دل میں اُتر جاتی ہے۔

7 سال کی عمر میں گلوکار راحت فتح علی خان کی باقاعدہ تربیت کا آغاز ہو گیا تھا ، اب تک ان کے 50 سے زائد البم ریلیز ہوچکے ہیں اور انہوں نے کئی بڑے اعزاز اپنے نام کیےہیں۔

واضھ رہے کہ راحت فتح علی خان ٹیلی ویژن سیریلز کے 50 سے زائد ٹائٹل ٹریک اور 100 سے زائد فلموں کے گیت گا چکے ہیں۔