عالمی وبا کورونا وائرس کی مشکلات کے بعد اب سعودی عرب کی جانب سے سے اچھی خبر سامنے آگئی۔

تفصیلات کے مطابق سعودی عرب میں کرونا وائرس کا کرفیو اور لاک ڈاؤن ختم کردیا گیا ہے۔

سعودی عرب میں تمام سرکاری دفاتر بھی کھل گئے اور معمول کے مطابق کام شروع  بھی کر دیا گیا ہے۔

سعودی ویب سائٹ کے مطابق کرفیو اٹھائے جانے کے بعد سرکاری اداروں میں ڈیوٹی ادا کرنے والوں کے لیے چار نکات مقرر کیے ہیں۔

سعودی وزارت افرادی قوت و سماجی بہبود کے ذرائع کا کہنا ہے کہ مملکت میں کرونا وائرس سے بچاؤ کے لیے نافذ کیے جانے والا کرفیو اتوار 21 جون سے ختم ہونے پر سعودی عرب کے تمام سرکاری اداروں میں کام حسب معمول شروع کردیا جائے گا۔

غیر ملکی خبر رساں ادارے نے بتایا کہ ڈیوٹی کے دوران کارکنوں کو کرونا وائرس سے بچاؤ کے لیے مقررہ ایس او پیز کا ہرطرح سے خیال رکھنا لازمی ہوگا۔

خیال رہے کہ ڈیوٹی پر آنے والے کارکنوں کو 3 شفٹوں میں تقسیم کیا جائے گا۔

پہلے گروپ کی شفٹ کا آغاز ساڑھے 7 پر ہوگا۔ دوسری شفٹ ساڑھے 8 پر پہنچے گی جبکہ تیسری شفٹ ساڑھے 9 بجے کام کا آغاز کرے گی۔

دوسرے جانب یہ بھی کہا گیا ہے کہ وہ کارکن خواہ مرد ہوں یا خواتین جن کا دفتر آنا انتہائی ضروری نہ ہو وہ ورک فرام ہوم کے اصول کے تحت ہی اپنی ذمہ داریاں ادا کریں گے۔

اس کے علاوہ ایسے کارکن جنہیں وائرس لگنے کا زیادہ خطرہ ہو وہ بھی گھروں سے ہی ڈیوٹی ادا کریں گے۔

واضح رہے کہ وزارت افرادی قوت و سماجی بہبود نے اس بات پرزور دیا ہے کہ سرکاری و نجی اداروں کے ملازمین مقررہ پروٹوکول کی ہر طرح سے پابندی کریں گے۔