پاکستانی اداکارہ میرا نے کورونا کے حوالے سے فلم بنانے کا اعلان کر دیا ہے۔

تفصیلات کے مطابق اداکارہ میرا نے کورونا وائرس پر کہانی لکھنے کا انکشاف کر دیا ہے۔

میرا نے کورونا وائرس کے متعلق بات کرتے ہوئے کہا کہ ”بہت تکلیف دیکھی، ہر گلی، ہر کونے سے ایک جنازہ اٹھانے کی آوازیں،ہر طرف قبرستان کا منظر، میں نے اپنے خدا کو اپنے قریب پایا بہت قریب۔

انہوں نے دورانِ انٹرویو میں بتایا کہ میں  نے اپنا کورونا کا ٹیسٹ بھی کروایا جو کہ منفی آیا۔

میرا نے بتایا کہ انہی احساسات کو الفاظ کا روپ دے کر میں نے کورونا وائرس پر ایک کہانی لکھی ہے جس پر فلم بناﺅں گی۔

اداکارہ نے وطن سے محبت،اپنوں سے محبت اور ضرورت مند لوگوں سے محبت کا اظہار بھی کیا۔

یاد رہے کہ میرا کی اس انٹرویو کی ویڈیو میں ایک شخص کا کہنا ہے کہ یہ ذہنی طور پر ٹھیک نہیں ہے، اس کو چیک اپ کی ضرورت ہے۔

واضح رہے کہ اداکارہ میرا اپنی انگریزی اور اپنے انوکھے بیانات کی وجہ سے میڈیا کی توجہ کا مرکز رہتی ہیں۔