پاکستان کے نامور اداکار یاسر حسین نے پلازما مافیا کے خلاف آواز بلند کر لی ہے۔

اداکار یاسر حسین نے سماجی رابطے کی ویب سائٹ انسٹاگرام اسٹوری میں کورونا وائرس کے مریضوں کو اپنا پلازما بیچنے پر لوگوں پر طعنہ زنی کی۔

یاسر حسین نے ایسے لوگوں کو  انسٹاگرام اسٹوری میں ’کافر‘ بھی کہا۔

خیال رہے کہ پلازما مافیا سے متعلق بہت ساری خبریں سوشل میڈیا پر گردش کر رہیں ہیں کے لوگ اپنے پلازما کے بدلے بھاری رقم مانگ رہے ہیں۔

یاسر نے اپنی انسٹاگرام اسٹوری پر لکھا کہ دنیا میں کیا کسی کافر نے اپنا پلازما بیچا۔

انہوں نے بتایا کہ ہمارے یہاں باقی دنیا کو کافر کہنے والے لوگ  پلازما بیچ رہے ہیں۔

اداکار نے تمام لوگوں سے سوال کیا کے آخر ایسا کیوں؟ “یا اللہ، ہم پر رحم کر۔” واضح رہے کہ کورونا سے بازیاب ہونے والے مریضوں کا پلازما اس بیماری کے علاج کے طور پر پاکستان سمیت مختلف ممالک میں استعمال ہورہا ہے۔