فٹبالر لائنل میسی نے اسپینش فٹبال کلب بارسلونا کو چھوڑنے کا فیصلہ کرلیا۔

تفصیلات کے مطابق میسی نے کلب انتظامیہ کے ساتھ نئے معاہدے پر بات چیت بھی روک دی ہے۔

 تاہم کلب چھوڑنے کی وجہ کلب کے اندرونی جھگڑے ہیں اور اب میسی کلب کے ساتھ مزید معاہدہ قائم رکھنے کا ارادہ نہیں رکھتے ہیں۔

یاد رہے کہ انہوں نے اپنے پروفیشنل کیریئر کا آغاز 2005 میں اسی کلب سے کیا تھا اور 2018 سے کلب ٹیم کے کپتان بھی ہیں۔

میسی کا تعلق ارجنٹائن سے ہے اور وہ اپنے ملک کی فٹبال ٹیم کی بھی قیادت کرتے ہیں۔

دوسری جانب میسی نے بارسلونا کو لالیگا لیگ میں 10 مرتبہ چیمپئن بنوایا، بارسلونا نے 4 مرتبہ یوئیفا چیمپئن شپ جیتی اور 6 مرتبہ کوپا ڈیل رے میں فتح مقدر بنی۔

خیال رہے کہ کیونکہ اب میسی کے کلب چھوڑنے کے بعد افواہیں گردش کررہی ہیں کہ وہ یا تو وہ کوئی انگلش کلب جوائن کریں گے یا پھر اپنے آبائی شہر واپس چلے جائیں گے۔

واضح رہے کہ دوبارہ معاہدہ نہ ہونے کی صورت میں میسی اگلے سال کلب سے علیحدگی اختیار کرلیں گے۔