پاکستان شوبز انڈسٹری کی نئی جوڑی حنا الطاف اور آغا علی نے مداحوں کو  لوڈشیڈنگ کی مبارکباد دے دی۔

حال ہی میں رشتہ ازدواج میں منسلک ہونے والی حنا الطاف اور آغا کی جوڑی نے کراچی میں مون سون کی  پہلی بارش میں لطف اندوز ہوئے۔

اداکارہ حنا الطاف نے سماجی رابطے کی ویب سائٹ انسٹاگرام پر آغا علی کے ہمراہ ایک تصویر شیئر کی۔

حنا کی جانب سے شئیر کی جانے والی تصویر کی کیمشن میں اداکارہ نے مون سون کی پہلی بارش کی خوشیوں کی مبارکباد تو دی ہی لیکن ساتھ ہی مزاحیہ انداز اپناتے ہوئے لوڈشیڈنگ کی مبارکباد بھی دے دی۔

See more

اس پوسٹ سے انداہ ہوتا ہے کہ کراچی میں بارش کے بعد بجلی کے بدترین بحران کا حنا الطاف بھی شکار رہی ہیں، اور ازراہِ مذاق انہوں نے مداحوں کو بھی اس بات سے آگاہ کردیا۔

دوسری جانب آغا علی نے بھی ایک تصویر شئیر کی جس میں حنا الطاف اُن کا ڈمپل چھپا رہی ہیں۔

آغا علی نے اپنی تصویر کے کیپشن میں لکھا کہ حنا الطاف میرا ڈمپل چھپانے کی ناکام کوشش کررہی ہیں، اور ان کی اس ڈمپل چھپانے کی وجہ انہیں خود بھی نہیں معلوم۔

See more

یاد رہے کہ آغا اور حنا کے مداحوں کی جانب سے دونوں کی دلکش تصویروں پر  بڑی تعداد میں کمنٹس کر کے پسندیدگی کا اظہار کیا جارہا ہے۔

واضح رہے کہ آغا علی اور حنا الطاف جمعۃ الودع کو خاموشی سے رشتۂ ازدواج میں منسلک ہو گئے تھے۔