پاکستان کی نامور اداکارہ اقرا عزیز اور نامور اداکار اور میزبان یاسر حسین نے سوشل میڈیا پر ایک خاتون کی تصویر شیئر کرتے ہوئے معنی خیز پیغام کیمشن میں لکھ دیا۔

اقرا عزیز اور یاسر حسین نے سوشل میڈیا پر ایک خاتون کی تصویر شیئر کرتے ہوئے لکھا کہ’بھیک نہیں مانگوں گی، ہاتھ نہیں پھیلاؤں گی۔

سماجی رابطے کی ویب سائٹ انسٹاگرام پر اقرا عزیز نے ایک خاتون کی رکشہ چلاتے ہوئے تصویر شیئر کی۔

See more

اقرا عزیز کی جانب سے پوسٹ کی جانے والی تصویر میں اداکارہ نے کیپشن میں لکھا کہ اس عورت نے گھریلو جھگڑوں کے باعث اپنے شوہر سے علیحدگی اختیار کرلی ہے، یہ عورت دو بچیوں کی ماں ہے، جو کہ رکشہ چلا کر اپنی بیٹیوں کے مستقبل کے لیے پیسے جمع کررہی ہے۔

اداکارہ نے مزید لکھا کہ ان تمام مشکلات و پریشانیوں کے باوجود اس کے چہرے پر مسکراہٹ ہے۔

اقرا عزیز نے اپنی پوسٹ میں لکھا کہ بھیک نہیں مانگوں گی، ہاتھ نہیں پھیلاؤں گی، عزت سے محنت سے اپنی بیٹیوں کو پالوں گی۔

یاد رہے کہ اقرا عزیز نے ہیش ٹیگ کا استعمال کرتے ہوئے مزید لکھا کہ ’شیئر ٹو اوئیر‘ #ShareToAware ۔

دلچسپ بات یہ ہے کہ اداکارہ کی جانب سے یہ پوسٹ گزشتہ روز شیئر کی گئی تھی جسے اب تک تقریباً 85 ہزار مداح لائیک کرچکے۔

دوسری جانب اقرا عزیز کی اس پوسٹ پر ایک مداح نے کمنٹ کرتے ہوئے لکھا کہ انہیں اس خاتون پر فخر ہے۔

ایک اور محمد شیر نامی مداح نے کمنٹ کیا کہ یہ لوگ ہمارے ملک کے اصل ہیروز ہیں۔

واضح رہے کہ اقرا کی جانب سے شئیر کیے جانے والی اس پوسٹ اور اس پوسٹ میں استعمال کیے جانے والے کیمشن کو بہت پسند کیا جا رہا ہے۔