پاکستان کے معروف اداکار ہمایوں سعید کی اہلیہ و پروڈیوسر ثمینہ ہمایوں کی جانب سےشوہر کے لیے محبت بھرا پیغام جاری۔

ہمایوں سعید کی اہلیہ نے ہمایوں سعید کی 49ویں سالگرہ کے موقع پر فوٹو اینڈ ویڈیو شیئرنگ ایپ انسٹاگرام پر اپنے شوہر کے ہمراہ ایک تصویر پوسٹ کی جس کے ساتھ ہی اُنہوں نے ہمایوں سعید کے لیے خصوصی پیغام بھی لکھا۔

See more

یاد رہے 27 جولائی 1971 کو کراچی میں پیدا ہونے والے سُپر اسٹار ہمایوں آج اپنی 49ویں سالگرہ منا رہے ہیں۔

ثمینہ ہمایوں نے اپنے شوہر ہمایوں سعید کو اُن کی زندگی کی روشنی قرار دیتے ہوئے اُنہیں سالگرہ کی مبارکباد دی۔

اُنہوں نے لکھا کہ میں آپ کو اپنی زندگی میں پاکر بےحد خوش ہوں۔

ثمینہ ہمایوں نے کہا کہ میں آپ کی موجودگی نے میرے ہر دن کو خوشگوار اور بہترین بنایا ہے اور میں اس کے لیے آپ کی بےحد شُکر گُزار ہوں۔

انہوں نے اداکار کی کامیابی کے لیے دُعا کرتے ہوئے لکھا کہ آپ ہمیشہ کامیاب ہوں اور ہم اپنے آنے والے دنوں میں بھی ایک دوسرے کو خوشیاں دیتے رہیں۔

واضح رہے کہ ثمینہ ہمایوں نے پوسٹ کے اختتام میں اُنہوں نے ہمایوں سے اپنی محبت کا اظہار کرتے ہوئے لکھا کہ میری دُعا ہے یہ سال پچھلے تمام سالوں سے بہتر اور روشن ہو۔